Lo projècte de formacion

Lo projècte de formacion pausa sus un dispositiu cooperatiu d’aprendissatge. Los regropaments dels estudiants son estructurats per analisar lo viscut de cadun e produire amb los autres. La tòca es de permetre als estagiaris de viure çò que deuràn far viure dins las classas qu’auràn en responsabilitat.

« Ensenham pas çò que sabèm mas çò que sèm »

La cooperacion pòt pas venir una vertut de l’ensenhaire que se l’a viscuda, esprovada, experimentada, testada, etc. S’agís plan d’una postura novèla de l’ensenhaire.

En mai aquesta se deu efectuar « en contèxt » e deu èsser una causida deliberada de l’ensenhaire. Lo palpejament es indispensable dins lo caminament personal de cadun.

« Cap de, absoludament cap de las grandas aquisicions vitalas se fa pas pels procediments aparentament scientifics. Es en marchant que lo mainatge apren a marchar ; es en parlant qu’apren a parlar ; es en dessenhant qu’apren a dessenhar. Cresèm pas qu’el siá exagerat de pensar qu’un procediment tan general e tant universal siá exactament valable per totes los ensenhaments, los escolars e mai. »

– Celestin Freinet

Tot procediment de formacion s’inscriu necessàriament dins un temps long : comprene e analisar las malescadudas, experimentar de las practicas diferentas aital coma lors efièches, participar, en essent acompanhat, a de procediments de recèrca, d’investigacion, d’experimentacion. Lo mai complèx essent que s’agís sovent de luchar contra sas pròprias representacions, çò que necessite donc confrontacion leiala, autras agaches, e palpejaments.